लढवय्या सहकारी गमावला : लक्ष्मण जगताप यांना सुधीर मुनगंटीवार यांची श्रद्धांजली

चंद्रपूर, दि. 3 जानेवारी 2022 :

चिंचवड विधानसभेतील भारतीय जनता पक्षाचे आमदार श्री. लक्ष्मण जगताप यांच्या निधनाने एक निष्ठावान लढवय्या सहकारी आणि लोकप्रतिनिधी आपण गमावला आहे, अशा शब्दात वने, सांस्कृतिक कार्य आणि मत्स्यव्यवसाय मंत्री श्री सुधीर मुनगंटीवार यांनी आपला शोक व्यक्त केला आहे.

ते पुढे म्हणाले की, मितभाषी पण जनतेच्या प्रश्नांसाठी आक्रमक भूमिका घेणारे लोकप्रतिनिधी अशी त्यांची ओळख होती. चिंचवडचा ढाण्या वाघ असे त्यांचे वर्णन केले जायचे. गंभीर आजारातही विधान परिषद आणि राज्यसभा निवडणुकात मतदानाचे आपले लोकशाहीतले कर्तव्य पार पाडून त्यांनी एक उदाहरण घालून दिले. ईश्वर त्यांना सद्गती देवो. जगताप कुटुंबियांच्या दुःखात आम्ही सर्वजण सहभागी आहोत, त्यांना या दुःखातून लवकर सावरण्याचे बळ मिळो, असे ना.श्री मुनगंटीवार यांनी म्हटले आहे.

 544 total views,  3 views today