प्रसिद्ध समीक्षक डॉ. किशोर सानप यांचे निधन, संत साहित्याचा व्यासंगी अभ्यासक हरवला

वर्धा: मराठीचे प्रसिद्ध समीक्षक डॉ.किशोर सानप यांचे आज रविवारी सकाळी अकरा वाजता निधन झाले. ते ७६ वर्षाचे होते. त्यांच्यावर गत काही महिन्यांपासून नागपूरच्या निरामय या त्यांच्या मुलीच्या रुग्णालयात उपचार सुरू होते. त्यांच्यावर दुपारी मानेवाडा स्मशानभूमीत अंत्यसंस्कार होणार आहेत. एक व्यासंगी समीक्षक म्हणून त्यांची साहित्य विश्वास ओळख होती.संत साहित्याचा त्यांचा गाढा अभ्यास होता. पांगुळवाडा या त्यांच्या पहिल्याच कादंबरीने ते चर्चेत आले होते. त्यांनी गोंदिया येथील विदर्भ साहित्य संमेलनाचे अध्यक्षपद भूषविले होते.