(Gondia)गोंदिया – गोंदिया जिल्ह्यातील ( Deori Taluka)देवरी तालुक्यामध्ये गेल्या काही दिवसांमध्ये महिलांचे दागिने चोरी होण्याच्या घटना मोठ्या प्रमाणात घडत असून यापूर्वीही पाच महिलांना चोरी करताना रंगेहात पकडल्याची घटना घडली . देवरी येथे रक्षाबंधनाच्या निमित्त अनेक महिला या खरेदी करण्यासाठी ग्रामीण भागातून येत असतात.परत जात असताना बसचा वापर करतात. त्याच बसमध्ये चढत असताना आमगाव येथील एका महिलेच्या गळ्यातील दागिने चोरीला गेल्याची घटना घडली. महिलेच्या लक्षात आल्यानंतर याविषयीची माहिती बस स्थानकावर दिली. त्याचवेळी तिथे उपस्थित असलेल्या साध्या गणवेशातील या पोलिसांना याविषयी माहिती मिळाली. त्यांनी लगेच परिसरातील महिलांची महिला पोलिसांकडून तपासणी करण्यात आली. पुन्हा एक महिला तिच्याकडे चोरीचे दागिने मिळाल्याने परिसरात एकच खळबळ उडाली आहे. देवरी परिसरात सध्या महिला चोरांचा हा धुमाकूळ असून बसमधील गर्दीच्या वेळी चोरी करण्यासाठी मोठ्या प्रमाणावर फायदा घेत असल्याचे दिसून येत आहे. देवरी पोलिसांनी बस स्थानकावर मोठ्या प्रमाणात गोपनीय पद्धतीने गस्त राबवली आहे. आज पुन्हा एकदा चोरी करताना महिलेला अटक करण्यात आली. आता तरी परिवहन विभाग बस स्थानकाच्या परिसरात सीसीटीव्ही कॅमेरे लावेल अशी मागणी जोर धरू लागली आहे.