(GONDIA)गोंदिया – गोंदिया जिल्ह्यातील आमगाव-देवरी विधानसभा मतदारसंघातील काँग्रेसचे आमदार सहसराम कोरोटे हे सालेकसा तालुक्यातील पांढरवाणी गावात उपसा सिंचन लोकार्पणसाठी पोहोचले होते. मात्र, ग्रामस्थ अपूर्ण काम झाले असल्याने आणि ग्रामपंचायतीला विश्वासात न घेतल्याने आणि शेतकऱ्यांच्या समस्या ऐकत नसल्याने गावकरी विरोधात होते. गावकऱ्यांनी मार्गावरील झाडे तोडून रास्ता रोको केला. त्यांनी काळे झेंडे दाखवून घोषणा देण्यास सुरुवात केली. आमदाराला गावात येऊ दिले नाही.
गोंदिया जिल्ह्यातील आमगाव-देवरी चे आमदार सहसराम कोरोटे हे सध्या भूमिपूजन आणि अपूर्ण कामाचे उद्घाटनासाठी संपूर्ण परिसरात लोकप्रिय आहेत. असाच एक प्रकार सालेकसा तालुक्यातील गावात उघडकीस आला. पांढरवानीत उपसा सिंचनचे कुणालाही न सांगता लोकार्पण करण्यासाठी आले असता संतप्त गावकरी आणि शेतकऱ्यांनी गावाच्या रस्त्यावर झाडे कापून रस्त्ता अडवला आणि काळे झेंडे दाखवित आणि घोषणाबाजी करून लोकार्पण करता आमदाराला परत पाठविले.
या संदर्भात ग्रामस्थ व शेतकऱ्यांनी सांगितले की, परिसरातील आमदार कधीच आले नाहीत ते केवळ निवडणुकीच्या वेळीच दिसतात आणि भूमिपूजन किंवा अपूर्ण उद्घाटनासाठी आमदार येतात. शेतकरी आणि ग्रामस्थ हे आमदार कार्यालयातील समस्यांसाठी जाऊन अर्ज केला आणि यासह जिल्हा परिषदेच्या सदस्यांनीही यासंदर्भात विनंती केली केली होती. पण शेतकरी व ग्रामस्थांच्या विविध समस्या अद्याप सुटलेल्या नाहीत. त्यामुळे संतप्त शेतकऱ्यांनी पांढरवाणीचा उपसा सिंचनाच्या लोकार्पण वेळी काळे झेंडे दाखवून घोषणाबाजी करत त्यांना रिकाम्या हाताने परतवले आणि प्रथम उपसा सिंचनचे पाणी जो पर्यंत शेतात येत नाही, तो पर्यंत कोणत्याही पक्षाच्या नेत्यांना आणि आमदार गावात प्रवेश करू देणार नाही अशी भूमिका गावकऱ्यांनी घेतली आहे. ‘