जळगाव JALGAW – एकनाथ खडसे नियमित तपासणी करण्यासाठी Muktainagar मुक्ताईनगर येथील रुग्णालयात गेले या दरम्यान तपासणीत काही बदल आढळून आल्याने खडसे Eknath Khadse यांना तातडीने जळगावच्या खाजगी रुग्णालयात दाखल करण्यात आले त्यांना आज सायंकाळी एअर ॲम्बुलन्सने मुंबईला रवाना करण्यात येणार आहे.
खडसेंच्या प्रकृती बाबतची माहिती मिळाल्यानंतर रुग्णालयात कार्यकर्त्यांनी गर्दी करण्यास सुरुवात केली.त्यांच्या कन्या रोहिणी खडसे या सुद्धा रुग्णालयात दाखल झाल्या आहेत. आता एकनाथ खडसे यांची प्रकृती स्थिर आहे. त्यांनी गप्पा सुद्धा मारल्याची माहिती डॉ.विवेक चौधरी यांनी दिली. कार्यकर्त्यांनी कुठलीही काळजी करू नये. मुंबई येथील बॉम्बे हॉस्पिटलमध्ये एकनाथ खडसे यांच्यावर पुढील उपचार करण्यात येणार आहेत. रात्री आठ वाजता मुंबईला नेण्यात येणार आहे.इसीजीचे रिपोर्ट नॉर्मल आहेत मात्र ते मॉनिटरिंग केलं जात असल्याची माहिती माजी आरोग्यमंत्री राजेश टोपे यांनी दिली.
