शुक्रवारपासून ‘या’ एक्स्प्रेस गाड्या सुरू मध्य रेल्वेची मोठी घोषणा.

Share This News

राज्यांतर्गत पाच एक्स्प्रेस रेल्वे गाड्या सुरू करण्याचा निर्णय मध्य रेल्वेनं घेतला आहे. येत्या शुक्रवारपासून या गाड्या धावतील.

मुंबई: रेल्वे सेवेअभावी कोंडीत सापडलेल्या राज्यातील जनतेला काही प्रमाणात दिलासा देणारी घोषणा मध्य रेल्वेनं केली आहे. येत्या ९ ऑक्टोबरपासून (शुक्रवार) पाच एक्स्प्रेस गाड्या सुरू करण्याचा निर्णय प्रशासनानं घेतला आहे.
डेक्कन क्वीन, इंद्रायणी, नागपूर दुरांतो, विदर्भ आणि सिद्धेश्वर एक्स्प्रेस या गाड्या ९ ऑक्टोबरपासून सुरू होणार आहेत. या गाड्या करोना काळात विशेष ट्रेन म्हणून चालवल्या जाणार आहेत. त्यासाठी गुरुवार, ८ ऑक्टोबरपासून आरक्षण उपलब्ध होणार आहे. प्रवाशांनी रेल्वे गाडीत प्रवेश करताना, प्रवास करत असताना व उतरण्याच्या ठिकाणी करोनाच्या अनुषंगानं सर्व नियम पाळणे गरजेचे आहे, असं रेल्वे प्रशासनानं स्पष्ट केलं आहे.
‘अनलॉक’ सुरू झाल्यापासून रेल्वे सेवा कधी सुरू होणार याकडं सर्वांचे लक्ष लागलं आहे. मुंबई लोकलबरोबरच एक्स्प्रेस गाड्यांचीही लोकांना प्रतीक्षा होती. सरसकट सर्व रेल्वे गाड्या कधी सुरू होणार याविषयी अद्याप कुठलीही स्पष्टता नसली तरी टप्प्याटप्प्यानं सेवा सुरू करण्याचा राज्य सरकारचा प्रयत्न असल्याचं दिसत आहे. शुक्रवारपासून सुरू होणाऱ्या गाड्या याच प्रयत्नांचा भाग असल्याचं बोललं जातं.


Share This News

Leave a Reply

Your email address will not be published. Required fields are marked *

© 2020-21 Maharashtra Telecommunications Shankhnaad News Network, All rights Reserved | Site by final Version Software Solutions Pvt. Ltd.