भारताचा ऑस्ट्रेलिया दौरा: कसोटी, वनडे आणि टी-२० मालिकेची घोषणा

Share This News

भारतीय क्रिकेट संघाच्या ऑस्ट्रेलिया दौऱ्यातील कसोटी, वनडे आणि टी-२० मालिकेची घोषणा करण्यात आली आहे. दौऱ्याची सुरुवात वनडे मालिकेने होणार आहे. त्यानंतर टी-२० आणि मग कसोटी मालिका होईल.

नवी दिल्ली: भारतीय क्रिकेट संघाचा बहुप्रतिक्षित ऑस्ट्रेलिया दौरा या वर्षाच्या अखेरीस होणार आहे. भारताच्या ऑस्ट्रेलिया दौऱ्यातील कसोटी मालिकेची सुरूवात एडिलेड येथे गुलाबी चेंडूने (डे-नाईट कसोटी) होणार आहे. भारताचा हा दौरा दोन महिन्यांपेक्षा अधिक मोठ्या कालावधीचा असणार आहे. दौऱ्याची सुरूवात पांढऱ्या चेंडूने तीन सामन्यांच्या वनडे मालिकेने होणार आहे.
भारतीय दौऱ्याची सुरुवात ब्रिसबेन येथे तीन सामन्यांच्या वनडे मालिकेने होणार आहे. त्यानंतर एडिलेड येथे तीन सामन्यांची टी-२० मालिका होईल. या दौऱ्या भारताचा परदेशी भूमीवरील पहिला गुलाबी चेंडूवरील सामना असेल. भारत दुसऱ्यांचा अशा प्रकारचा कसोटी सामना खेळत आहे. ही कसोटी १७ ते २१ डिसेंबर या काळात होईल. तर २६ ते ३० डिसेंबर या काळात दोन्ही संघात बॉक्सिंग डे कसोटी मेलबर्न येथे खेळवली जाईल. त्यानंतर नव्या वर्षात सिडनीत सात ते ११ जानेवारी या काळात तर ब्रिसबेन येथे १५ ते १९ जानेवारी या काळात कसोटी सामने होतील.
भारत आणि ऑस्ट्रेलियाचे खेळाडू १० नोव्हेंबर रोजी आयपीएल संपल्यानंतर युएईमधून थेट ब्रिसबेनसाठी रवाना होतील. याशिवाय क्रिकेट ऑस्ट्रेलियाने २५ ते ३० नोव्हेंबर काळात वनडे मालिका आणि चार ते ८ डिसेंबर या काळात टी-२० मालिकेचे आयोजन करणार आहे.
ऑस्ट्रेलियाविरुद्ध कसोटी मालिका खेळण्याआधी भारतीय संघ एक सराव सामना खेळणार आहे. भारताच्या या दौऱ्यासाठी दोन्ही संघाच्या क्रिकेट बोर्डाची सहमती झाली आहे. पण क्वींसलँड सरकारकडून अद्याप परवानगी मिळाली नाही. सध्या येथे कोणत्याही राज्यातून अथवा विदेशातून व्यक्तीला येण्यास परवानगी आहे. पण संबंधित व्यक्तीला १४ दिवसांचा क्वारंटाइन व्हावे लागते. भारताचा दौरा २५ नोव्हेंबरपासून सुरू होणार आहे. पण यासाठी क्वींसलँड सरकारची परवानगी हवी.
या वर्षी ऑस्ट्रेलियात टी-२० वर्ल्ड कप होणार होता. पण करोना व्हायरमुळे तो स्थगित करण्यात आला.


Share This News

Leave a Reply

Your email address will not be published. Required fields are marked *

© 2020-21 Maharashtra Telecommunications Shankhnaad News Network, All rights Reserved | Site by final Version Software Solutions Pvt. Ltd.