सरसंघचालक डॉ. मोहन भागवत यांची प्रकृती स्थिर

Share This News

नागपूर : राष्ट्रीय स्वयंसेवक संघाचे सरसंघचालक डॉ. मोहन भागवत यांना करोनाची लागण झाल्याने त्यांच्यावर किंग्जवे रुग्णालयात उपचार करण्यात येत आहेत. शुक्रवारी रात्री उशिरा ते करोना पॉझिटिव्ह असल्याचे जाहीर करण्यात आले. त्यांची प्रकृती स्थिर असल्याचे रुग्णालयातर्फे सांगण्यात आहे.
डॉ. भागवत यांची आरटी-पीसीआर चाचणी पॉझिटिव्ह आल्याचे निष्पन्न झाल्यानंतर त्यांना कस्तुरचंद पार्कजवळील किंग्जवे रुग्णालयात शुक्रवारी रात्री १० वाजता दाखल करण्यात आले होते. त्यांना थोडा कफ असल्याचेदेखील तपासणीदरम्यान लक्षात आले. त्यांचे वैयक्तिक फिजिशियन डॉ. हर्षवर्धन मार्डीकर यांनीदेखील भेट देऊन त्यांची तपासणी केली. सीटी स्कॅन चेस्ट आणि इतर सगळ्या रक्तचाचण्या करण्यात आल्या. महत्त्वच्या सगळ्या चाचण्याही सामान्य आल्या असून, प्राणवाय़ू पातळीदेखील उत्तम आहे. डॉ. भागवत यांना मधुमेह असून, तोदेखील अत्यंत नियंत्रित आहे. सहा मिनिटे चालण्याची चाचणीदेखील त्यांनी यशस्वीपणे पूर्ण केली. त्यांच्या प्रकृतीवर सातत्याने लक्ष ठेवण्यात येत असल्याचे रुग्णालयाच्या वतीने सांगण्यात आले.


Share This News
© 2020-21 Maharashtra Telecommunications Shankhnaad News Network, All rights Reserved | Site by final Version Software Solutions Pvt. Ltd.