राज्य विधीमंडळाच्या लोकलेखा समितीच्या अध्यक्षपदी सुधीर मुनगंटीवार

Share This News

भारतीय जनता पक्षाचे पूर्व प्रांताध्यक्ष , माजी वित्त व वन मंत्री सुधीर मुनगंटीवार यांची राज्य शासनाच्या लोकलेखा समितीच्या अध्यक्षपदी नियुक्ती करण्यात आली आहे.

चंद्रपूर : भारतीय जनता पक्षाचे पूर्व प्रांताध्यक्ष , माजी वित्त व वन मंत्री सुधीर मुनगंटीवार यांची राज्य शासनाच्या लोकलेखा समितीच्या अध्यक्षपदी नियुक्ती करण्यात आली आहे. ही एकमेव समिती आहे, ज्याचे अध्यक्षपद विरोधी पक्षाला दिले जाते. या पदावर नियुक्ती झाल्याने सुधीर मुनगंटीवार यांच्या प्रदीर्घ राजकीय व प्रशासनिक अनुभवाचा लाभ शासनास होणार आहे.
राज्यात महाविकास आघाडीचे सरकार स्थापन झाल्यानंतर तब्बल वर्षभराच्या कालावधीनंतर विधिमंडळाच्या विविध समित्या गठीत करण्यात आल्या आहेत. नुकत्याच जारी झालेल्या आदेशान्वये एकूण तेरा समित्यांचे अध्यक्ष व सदस्य यांच्या नियुक्त्या करण्यात आल्या आहेत. यात लोकलेखा समितीचे अध्यक्षपद भाजपानेते सुधीर मुनगंटीवार यांच्याकडे चालून आले आहे. माजी मुख्यमंत्री पृथ्वीराज चव्हाण, शिवसेनेचे भास्कर जाधव, भाजपाचे राधाकृष्ण विखे पाटील यांचा या समितीत सदस्य म्हणून समावेश करण्यात आला आहे. त्यांच्या नियुक्तीबद्दल येथे सर्वत्र त्यांचे अभिनंदन केले जात आहे.
शिवसेनेचे आमदार संजय रायमूलकर हे पंचायतराज समितीचे अध्यक्ष असतील. मनोहर चंद्रिकापुरे हे रोजगार हमी योजना समितीचे, आशीष जयस्वाल उपविधान समितीचे, दौलत दरोडा हे अनुसूचित जमाती कल्याण समितीचे, सरोज अहिरे महिला व बालकल्याण समितीच्या, मंगेश कुडाळकर हे ओबीसी कल्याण समितीचे, अमिन पटेल हे अल्पसंख्यक कल्याण समितीचे, चेतन तुपे हे मराठी भाषा समितीचे, नरेंद्र भोंडेकर हे विधानसभेच्या गैरसरकारी विधेयक व प्रस्ताव समितीचे प्रमुख असतील.


Share This News

Leave a Reply

Your email address will not be published. Required fields are marked *

© 2020-21 Maharashtra Telecommunications Shankhnaad News Network, All rights Reserved | Site by final Version Software Solutions Pvt. Ltd.