ताडोब्याचे बुकिंग फुल्ल;नाइट सफारीलाही प्रतिसाद

Share This News

नाताळ आणि लगोलग येणाऱ्या नववर्षाच्या पार्श्वभूमीवर व्याघ्रप्रेमींनी ताडोब्याला पसंती दर्शविली आहे. येत्या २ जानेवारीपर्यंत प्रकल्पातील कोअर, बफर झोनमधील सर्व गेटवरील आरक्षण ९५ टक्के पूर्ण झाले आहे. ताडोब्यासह विदर्भातील पेंच, नवेगाव-नागझिरा, मेळघाट व बोर व्याघ्रप्रकल्पाकडेही पर्यटकांचा ओढा असल्याचेही दिसून आले आहे.

ताडोबा-अंधारी व्याघ्रप्रकल्पाचे कोअर झोनचे दरवाजे १ ऑक्टोबरला उघडले. त्यानंतर सुमारे पावणे तीन महिन्यात या प्रकल्पात पर्यटकांची संख्या दिवसागणिक वाढली. शनिवार आणि रविवारी पर्यटकांची ही गर्दी अधिक असते. पण, आता नाताळ व नववर्षाच्या सुट्टीच्या पार्श्वभूमीवर पर्यटकांच्या संख्येत मोठी वाढ झाली आहे. त्यासाठी आगाऊ ऑनलाइन बुकिंगदेखील करून ठेवण्यात आले आहे. बहुतांश गेटवरील आरक्षण शंभर टक्के असल्याची माहिती सूत्रांनी दिली आहे. मागील काही दिवसांत ताडोब्यात सकाळ आणि दुपारच्या सफारीत जाणाऱ्या पर्यटकांना वाघोबाचे दर्शन होत आहे. इतरही वन्यजीवांचे दर्शन होत असल्याने पर्यटक सुखावत आहेत. हीच बाब ताडोब्याला मिळणाऱ्या पसंतीमागे असल्याचेही सांगण्यात येत आहे.


Share This News

Leave a Reply

Your email address will not be published. Required fields are marked *

© 2020-21 Maharashtra Telecommunications Shankhnaad News Network, All rights Reserved | Site by final Version Software Solutions Pvt. Ltd.