५० फूट उंचावरुन बस कोसळली, १५ जणांचा जागीच मृत्यू

खरगौन Khargaon  : मध्य प्रदेशातील खरगौन जिल्ह्यात भीषण बस अपघातात (Madhya Pradesh Khargone Bus Accident) १५ प्रवाशांचा दुदैवी मृत्यू झाला. या अपघातात अनेक प्रवासी जखमी असल्याची आहे. खरगोन ठिकरी महामार्गावर डोंगरगाव येथे पहाटे साडेपाच वाजताच्या सुमारास हा अपघात झाला. प्रवाशांनी भरलेली बस पुलाचे कठडे तोडून नदीत कोसळली. स्थानिक नागरिकांच्या मदतीने जखमींना रुग्णालयात दाखल करण्यात आले. हा अपघात नेमका कसा व कोणत्या कारणापायी झाला, याच्या चौकशीचे आदेश देण्यात आले आहेत.

मदत जाहीर

दरम्यान, मध्यप्रदेशचे मुख्यमंत्री शिवराज सिंह चौहान यांनी मदतीची घोषणा केली आहे. मध्यप्रदेश सरकारतर्फे अपघातातील मृताच्या नातेवाईकांना चार लाख रुपयांची मदत केली जाणार आहे. तर गंभीर जखमी असलेल्या प्रवाशांना 50 हजार रुपयांची मदत केली जाणार आहे. तर किरकोळ जखमी झालेल्या प्रवाशांन 25 हजार रुपयांची मदत केली जाणार आहे.