गोंदियात बेवारस बॅगेतील 9 किलो 350 ग्राम गांजा रेल्वे पोलिसांनी केला जप्त

Gondia Railway police seized 9.350 grams ganja गोंदिया २१ मे  : गोंदिया रेल्वे स्थानक परिसर आणि पॅसेंजर गाड्यांमध्ये अवैध अंमली पदार्थांची तस्करी रोखण्यासाठी विशेष देखरेख व तपासणी करून रेल्वे विभाग ऑपरेशन नार्कोस चालवत आहे. एका गुप्त माहितीच्या आधारे, रेल्वे क्रमांक 12843 पुरी-अहमदाबाद एक्स्प्रेसचा डबा क्रमांक एस-6 मधील बर्थ क्रमांक 56 मध्ये एक रंगीत मध्यम आकाराची ट्रॉली बॅग संशयास्पद आढळली .बसलेल्या प्रवाशांकडून सदर बॅगबाबत चौकशी केली असता, बॅगच्या मालकाची माहिती एकाही प्रवाशाने दिली नाही. त्याची तपासणी केली असतां खाकी रंगाची दाट टेपिंगची 9 छोटी पाकिटे आढळून आली ज्यामध्ये अमली पदार्थ गांजा आढळून आला. 9 बंडल गांजासह जप्त केलेली बेवारस ट्रॉली बॅग रेसुब पोस्ट गोंदिया येथे आणण्यात आली. जेथे एनडीपीएस कायद्याचे अंतर्गत अज्ञाताविरुध्द गुन्हा दाखल केला. जप्त केलेल्या गांजाचे एकूण वजन 9.351 किलो आहे, ज्याचे सध्याचे बाजार मूल्य रु. 93,510/- आहे.