भारतात बॉम्बस्फोट घडविण्याची धमकी

(Pune)पुणे: भारतात विविध ठिकाणी बॉम्बस्फोट घडविण्याची आणि (Prime Minister Narendra Modi)पंतप्रधान नरेंद्र मोदी यांना उडवून देण्याची धमकी देणारा एक मेल आला आहे. या प्रकरणी पुणे पोलिसांनी गुन्हा दाखल करीत धमकी देणाऱ्या आरोपीचा शोध सुरु केला आहे. धमकी देणाऱ्याने मी अनेक दहशतवादी संघटनांना फंडिंग करत असून हिंदू महिला आणि हिंदूंना देशातून नष्ट करण्यासाठी प्रयत्न करीत असल्याचा दावा केला आहे. (M. A. Mokhim)एम. ए. मोखीम असे धमकी देणाऱ्या आरोपीचे नाव असल्याचे पोलिसांनी सांगितले.

ज्या व्यक्तीला हा मेसेज आला होता त्यांनी पुणे शहर पोलिस दलाच्या कंट्रोल रूमला माहिती देऊन पोलिसात गुन्हा दाखल केला आहे. पुण्याच्या अलंकार पोलिस ठाण्याचे पोलिस तपास करत आहेत. हा ई-मेल विदेशातून आल्याचे सांगण्यात येत आहे.