नागपूर : वाकी परिसरात सहलीला गेलेल्या चार मित्र- मैत्रिणीचा कन्हान नदी पात्रात खोल डोहात बुडाल्याने मृत्यू झाला. मृतकांमध्ये विजय ठाकरे १८) रा.नारा, अंकुश बघेल,( १७ )रा.कामठी, अर्पीत पहाळे,( १८) रा.कामठी, सोनिया म्हरस्कोल्हे ( १७) रा. नारा नागपूर यांचा समावेश आहे. या चौघासह साक्षी कनोजीया (18 )रा पाटणकर चौक व मुस्कान राणा, (18) रा. जरीपटका नागपूर असे एकंदर सहा जण वाकी येथे सहलीसाठी गेले होते. ताजुद्दीन बाबा दरबारचे दर्शन करून त्यांनी परिसरातल्या कन्हान नदीच्या परिसरात फिरायला जाण्याचे ठरवले. सहा जण गाडीने कन्हान नदी पात्राच्या दिशेने गेले. नदीजवळ पोहोचताच चौघांना पोहायचा मोह झाल्याने ते पोहण्यासाठी पाण्यात उतरले. मात्र, या युवकांना पाण्याचा अंदाज आला नाही. खोल पाण्यात ते बुडू लागले. दरम्यान, सोबतच्या अन्य मित्रांनी त्यांना वाचविण्याचा प्रयत्न केला. मात्र, त्यांना कुणालाही वाचवता आले नाही. घटनेची माहिती मिळताच खापा पोलिसांचा ताफा व हितज्योती आधार फाउंडेशनची टीम घटनास्थळी पोहोचले.