(Nagpur)नागपूर : उपमुख्यमंत्री देवेंद्र फडणवीस यांनी दाखल केलेल्या 2014 मधील विधानसभा निवडणूक शपथपत्रात दोन गुन्ह्यांची नोंद नसल्या प्रकरणी न्यायालयाने (Deputy Chief Minister Devendra Fadnavis)उपमुख्यमंत्री देवेंद्र फडणवीस यांना निर्दोष ठरविले आहे. यापूर्वी मंगळवारी होणारी सुनावणी 8 सप्टेंबर रोजी होणार असल्याचे जाहीर झाल्यानंतर या प्रकरणी राजकीय वर्तुळात निकालाची उत्सुकता ताणली गेली होतो.
विधानसभा निवडणुकीसाठीच्या उमेदवारी अर्जासोबतच्या शपथपत्रात दोन गुन्ह्यांची नोंद नजरचुकीने राहून गेल्याचा युक्तिवाद फडणवीस यांच्या वकिलाने यापूर्वीच केला होता. गंभीर गुन्हे आम्ही निवडणूक प्रतिज्ञापत्रात नमूद केल्याने गुन्हे लपविण्याचा उद्देश नव्हता हे न्यायालयाच्या निदर्शनास आणून देण्यात आले आणि प्रथमश्रेणी न्यायदंडाधिकारी यांच्या न्यायालयाने ते मान्य करीत फडणवीस यांना दिलासा दिला. याचिकाकर्ते ऍड सतीश उके यांनी दोन गुन्हे लपविल्याची ही याचिका दाखल केली होती.
