नागपूर – मराठा समाजाला आरक्षण देण्यास आमचा काहीच विरोध नाही. मात्र मराठ्यांना ओबीसींच्या कोट्यातून तसेच सरसकट कुणबी जातीचे प्रमाणपत्र देऊ नये या मागणीसाठी सर्व शाखीय कुणबी ओबीसी आंदोलन कृती समितीच्यावतीने आंदोलन केले जाणार आहे.
राज्य सरकार मराठा आणि कुणबी या जातींमध्ये भांडणे लावण्याचा प्रयत्न करीत असल्याचा आरोप पुरुषोत्तम शहाणे पाटील यांनी शनिवारी पत्रकार परिषदेत केला.समितीच्यावतीने रविवारी अकरा वाजतापासून संविधान चौकात साखळी उपोषण केले जाणार आहे.त्यानंतर जिल्हानिहाय आंदोलने केली जातील. सरकारने दबावाला बळी पडून सरसकट प्रमाणपत्र देण्याचा आदेश काढल्यास आमरण उपोषण केले जाईल. निजमाकालीन नोंदीमध्ये कुणबी-मराठा असा उल्लेख असलेल्यांना व ते महाराष्ट्रातील मराठ्यांचा नाही तर सरकारचा विरोध रहिवासी असतील तर कुणबी जातीचे प्रमाणपत्र द्यावे.
इतर राज्यातील रहिवाशांना प्रमाणपत्र देण्यास आमचा विरोध आहे. ५२ टक्के लोकसंख्या ओबीसींची आहे. मात्र फक्त २७ टक्के आरक्षण मंजूर आहे. प्रत्यक्षात १७ टक्केच आरक्षण दिले जाते. मराठा समाजाला केंद्र सरकारने आरक्षणाच्या टक्केवारीत वाढ करून स्वतंत्र आरक्षण द्यावे. यास आमची हरकत नाही, असेही कृती समितीच्यावतीने शहाणे पाटील यांनी सांगितले.
पत्रकार परिषदेला राजेश काकडे, अवंतिका लेकुरवाळे, बाबा तुमसरे, गुणेश्वर आरीकर, सुरेश गुडधे पाटील, सुरेश वर्षे, दादाराव डोंगरे, सुरेश कोंगे, प्रकाश वसू, विवेक देशमुख आदी उपस्थित होते.