अमरावती AMRAWATI – काँग्रेस नेत्या यशोमती ठाकूर YASHOMATI THAKUR यांच्या तिवसा मतदारसंघात आज काँग्रेसची जनसंवाद यात्रा सुरू झाली. संत गाडगेबाबांची निर्वाणभूमी असलेल्या वलगावमधून जनसंवाद यात्रेला सुरुवात झाली असून जनसंवाद यात्रेत यवतमाळ मधील कलावती बंदूरकर सहभागी झाल्या आहेत हे विशेष.
या सरकारचा शेतकऱ्यांना बेरोजगारांना त्रास होत आहे. MRGS च्या मंडळींची भेट घेतली असताना त्यांनी सांगितलं आम्हाला चार महिन्यांपासून पैसे मिळाले नाही. आणि संजय गांधी निराधारचे सुद्धा मिळालेले नाहीत. सततच्या नापिकीचे पैसे अजून रखडले आहेत. काय करताय सत्ताकारण करून? काँग्रेस केंद्र व राज्य सरकारच्या पापाची हंडी फोडणार असल्याची प्रतिक्रिया आमदार यशोमती ठाकुर यांनी दिली.
दरम्यान कुऱ्हा येथील जाहीर सभेत कलावती बंदूरकर आपले मत व्यक्त करणार आहेत. कलावतींना आम्ही घर बांधून दिले असे ,केंद्रीय गृहमंत्री अमित शहा यांनी सभागृहात सांगितल्यानंतर कलावती बंदुरकर पुन्हा चर्चेत आल्या होत्या.
