केरळमध्ये एका आईने सर्व बेड्या मोडीत काढत अप्रतिम विक्रम केला आहे. एका ४२ वर्षीय आईने आपल्या २४ वर्षांच्या मुलासह (Public Service Commission Examination)लोकसेवा आयोगाची परीक्षा दिली आणि ती उत्तीर्ण झाली.
याआधी आई आणि मुलगा दोघेही एकत्र शिकू लागले होते. पीएससीमध्ये यश मिळाल्याचा आनंद चित्रातील हसतमुख आईच्या चेहऱ्यावर दिसतो.आई आणि मुलगा दोघेही ( Malappuram in Kerala)केरळमधील मलप्पुरमचे रहिवासी असल्याचे सांगण्यात येत आहे. आईचे नाव (Bindu) बिंदू आणि मुलाचे नाव (Vivek)विवेक. या यशाबद्दल मीडियासोबत आपला अनुभव शेअर करताना विवेक म्हणाला, “आम्ही एकत्र कोचिंग क्लासेस घेतले.
माझ्या आई आणि वडिलांनी आमच्यासाठी सोयी-सुविधांची व्यवस्था केल्यामुळे हे शक्य झाले. आम्हाला आमच्या शिक्षकांकडून खूप प्रेरणा मिळाली. आम्ही एकत्र अभ्यास केला पण आम्ही एकत्र यशस्वी होऊ असे कधीच वाटले नव्हते. आम्ही दोघंही खूप आनंदी आहोत.
रिपोर्ट्सनुसार, आई बिंदूने आपला मुलगा विवेकला अभ्यासासाठी प्रोत्साहित करण्यासाठी एक अनोखा मार्ग शोधला. विवेक दहा वर्षांचा असताना बिंदूने पुस्तकं वाचायला सुरुवात केली त्यामुळे त्यांना पाहून तो अभ्यास करू लागला.
याचाच परिणाम असा झाला की मुलासोबतच बिंदूनेही तिच्या अभ्यासाला सुरुवात केली आणि दोघांनीही शेवटी पीएससीची परीक्षा उत्तीर्ण करून हे यश संपादन केले.
या पदांसाठी आई आणि मुलगा परीक्षा उत्तीर्ण झाले
मिळालेल्या माहितीनुसार, बिंदूने निम्न विभागीय लिपिक परीक्षा 38व्या रँकने उत्तीर्ण केली आहे तर तिचा मुलगा विवेक 92व्या रँकने शेवटची श्रेणी सेवक परीक्षा उत्तीर्ण झाला आहे.
बिंदूने यापूर्वी तीन प्रयत्न केले होते, दोन एलजीएस परीक्षेसाठी आणि एक एलडीसीसाठी, अखेर चौथ्या प्रयत्नात तिला यश मिळाले.
