(Mumbai)मुंबई : ज्येष्ठ कीर्तनकार ह.भ.प. बाबामहाराज सातारकर यांचे मुंबईतील नेरूळ येथे निधन झाले. ते ८९ वर्षांचे होते. (Baba Maharaj Satarkar Passes away) यांचं निधन झालं. ते 89 वर्षांचे होते. त्यांच्या पार्थिवावर उद्या शुक्रवारी सायंकाळी नेरूळ येथे अंत्यसंस्कार केले जाणार आहेत. त्यांचे पार्थिव आज दुपारी तीननंतर अंतिम दर्शनासाठी नेरूळ जिमखाना समोर असलेल्या विठ्ठल रुक्मिणी मंदीरात ठेवण्यात येईल.
नीळकंठ ज्ञानेश्वर गोरे उर्फ ज्येष्ठ कीर्तनकार बाबा महाराज सातारकरांच्या घरात गेल्या तीन पिढ्यांपासून कीर्तनाची आणि प्रवचनाची परंपरा जोपासली जाते.त्यांनी आपले आयुष्य अध्यात्माच्या प्रचार प्रसारासाठी अर्पण केले होते. कीर्तनाच्या माध्यमातून त्यांनी जनसामान्यांचं प्रबोधन केलं. फेब्रुवारी महिन्यात त्यांच्या पत्नी रूक्मिणी ऊर्फ माई सातारकर यांचे निधन झाले होते. त्यानंतर 8 महिन्यानंतर बाबा महाराज सातारकर यांचीही प्राणज्योत मालवली. बाबा महाराज सातारकर यांचा जन्म ५ फेब्रुवारी १९३६ रोजी साताऱ्यात झाला. त्यांनी त्या काळी दहावीपर्यंतचं शिक्षण इंग्रजी माध्यमातून केले. त्यांच्या घरी शेकडो वर्षांपासून वारकरी सांप्रदायाची परंपरा आहे. त्यांचे कीर्तन ऐकण्यासाठी राज्यातीलच नव्हे तर देशाच्या कानाकोपऱ्यातून भक्त जमत होते. अलिकडे वय झाल्यामुळे त्यांना कीर्तन शक्य होत नव्हते. त्यांची ही परंपरा त्यांचा नातू पुढे नेत आहे. बाबा महाराजांचे वडील ज्ञानेश्वर दादामहाराज गोरे हे उत्कृष्ट मृदूंगवादक होते. त्यांच्या मातोश्री लक्ष्मीबाई ज्ञानेश्वर गोरे यांना संत वाङ्मयाची आवड होती. वयाच्या आठव्या वर्षांपासून बाबा महाराज श्री सद्गुरू दादामहाराज यांच्या कीर्तनात अभंगांच्या चाली म्हणायचे. तिथूनच त्यांवर कीर्तनाचे संस्कार रुजत गेले. वयाच्या अकराव्या वर्षांपासून त्यांनी पुरोहितबुवा, आग्रा घराण्याचे लताफत हुसेन खाँ साहेब यांच्याकडे शास्त्रीय गायनाचे धडेही घेतले होते
बाबामहाराजांचा नागपूरशीही जवळचा संबंध राहिला आहे. कीर्तनासह अनेक कार्यक्रमांच्या निमित्ताने त्यांचा नागपुरात मुक्काम राहिला आहे. त्यांच्या कीर्तनाचे चाहते नागपुरात मोठ्या प्रमाणात आहेत..
