मुंबई : राष्ट्रवादी काँग्रेसचे नेते एकनाथ खडसे यांच्या प्रकृतीत सुधारणा झाली असून त्यांनी मदतीसाठी मुख्यमंत्री एकनाथ शिंदे यांचे आभार मानले आहेत. खडसेंना ह्रदयविकाराचा झटका आल्याचे कळल्यावर मुख्यमंत्री शिंदे यांनी (CM Eknath Shinde) तातडीने त्यांच्यासाठी एअर अॅम्बुलन्सची व्यवस्था केली होती. “तुमचं विमान वेळेवर टेक ऑफ झाले नसते, तर माझ्या आयुष्याचे विमान लँड झाले नसते”, असे म्हणत एकनाथ खडसे यांनी मुख्यमंत्र्याचे आभार मानले.
खडसे यांना ह्रदयविकाराचा झटका आल्यावर खडसे यांच्या कन्या रोहिणी खडसे यांनी मुख्यमंत्र्यांसोबत संपर्क साधला होता. त्यानंतर मुख्यमंत्र्यांनी तातडीने एअर अॅम्बुलन्सची केली. उपचारांसाठी जळगावहून मुंबईला दाखल करण्यात आले होते.(Eknath Khadse Call CM Eknath Shinde) एकनाथ खडसे यांनी मुख्यमंत्र्यांना फोनवरून घडलेला प्रसंग सांगितला. एकनाथ खडसे म्हणाले, आपण वेळेवर मदतीला धावून आला. एअर ॲम्बुलन्स पाठवल्याबद्दल मनःपूर्वक आभार, आपले विमान जर वेळेवर आला नसते तर आमच्या आयुष्याचे विमान लँड झाले नसते. मुख्यमंत्री एकनाथ शिंदे यांनी खडसे यांच्या प्रकृतीची विचारपूस करत तब्येतीची काळजी घेण्याचे आवाहन केले. तसेच दिवाळीच्या देखील शुभेच्छा दिल्या. मुंबईतील बॉम्बे हॉस्पिटलमध्ये ज्येष्ठ नेते खडसे यांच्यावर अँजिओप्लास्टीची शस्त्रक्रिया पार पडली. अँजिओप्लास्टी शस्त्रक्रिये दरम्यान खडसे यांना हृदयविकाराचा झटका आला होता. डॉक्टरांनी शॉक ट्रीटमेंट देऊन बंद पडलेल हृदय पुन्हा सुरू केले.
