राज्यात गोंदिया सर्वाधिक थंड

नागपूर : गेल्या काही दिवसांपासून विदर्भात थंडीची लाट पसरली असून, गोंदिया हे राज्यातील सर्वाधिक थंड शहर ठरले आहे. शुक्रवारीसुद्धा गोंदिया येथे राज्यातील सगळ्यात कमी ९.८ अंश तापमानाची नोंद करण्यात आली. नाशिकचे तापमान १३ अंशांपर्यंत होते. दरम्यान, नागपुरातील पारा १०.१वर स्थिरावला. पुढील तीन दिवसांत तापमानात थोडी फार वाढ होणार असल्याचा अंदाज प्रादेशिक हवामान खात्याने वर्तविला आहे. शनिवारपासून थंडीच्या लाटेचा इशारा नसला तरीसुद्धा शहरातील तापमान ११ अंशांच्या आसपासच राहणार असल्याचा अंदाज आहे. शुक्रवारी गोंदिया व्यतिरिक्त विदर्भातील इतर जिल्ह्यांमधील तापमान १० अंशांपेक्षा अधिक होते. दरम्यान, मान्सूननंतरसुद्धा पावसाचा जोर कायम राहिल्याने यंदा मान्सूननंतरच्या सरासरी पर्जन्यमानातही वाढ झाल्याचे केंद्रीय हवामान खात्याने जाहीर केले आहे. यात विदर्भात तर डिसेंबर महिन्याच्या दुसऱ्या आठवड्यापर्यंत पाऊस सुरूच होता.

Leave a Reply

Your email address will not be published. Required fields are marked *

© 2020-21 Maharashtra Telecommunications Shankhnaad News Network, All rights Reserved | Site by final Version Software Solutions Pvt. Ltd.