ठाकरे सरकार जबाबदार असल्याची चिठ्ठी लिहून कंडक्टरची आत्महत्या

जळगाव, ०९ नोव्हेंबर,येथील शहर आगारात कंडक्टर म्हणून कार्यरत असलेल्या मनोज अनिल चौधरी यांनी माझ्या आत्महत्येस एसटी महामंडळाची कार्यपद्धती व मराठी माणसाचे ठाकरे सरकार जबाबदार असल्याची चिठ्ठी लिहून आत्महत्या केल्याची घटना घडली आहे. हा खळबळजनक प्रकार आज सकाळी उघडकीस आला असून जिल्ह्यासह संपूर्ण राज्यात चर्चेचा विषय झाला आहे.

जळगाव आगारात वाहक म्हणून कार्यरत असलेले मनोज अनिल चौधरी (वय  ३०, रा.कुसुंबा) हे मागील काही दिवसांपासून कमी पगार व त्यातील अनियमिततेला कंटाळून नैराश्येत गेले होते. आज सकाळी त्यांनी ८ वाजेच्या सुमारास गळफास घेतला. आत्महत्यापूर्व लिहिलेल्या चिठ्ठीत म्हटले आहे की, एसटी महामंडळातील कमी पगार व त्यातील अनियमितता याच कंटाळून मी आत्महत्या करीत आहे. यास जबाबदार एसटी महामंडळाची कार्यपद्धती व आपल्या मराठी माणसाचे ठाकरे सरकार (शिवसेना) आहे. माझ्या घरच्यांचा यात काही संबंध नाही. संघटनांनी माझा पीएफ व एलआयसी माझ्या परिवारास मिळून देण्यासाठी प्रयत्न करावा, असे म्हटले आहे. संतप्त नातेवाईकांनी महामंडळाचे अधिकारी येऊन आश्वासन देत नाही तोपर्यंत मृतदेह उचलणार नाही असा पवित्रा घेतला. त्यामुळे जिल्ह्यात एकच खळबळ उडाली आहे.

Leave a Reply

Your email address will not be published. Required fields are marked *

© 2020-21 Maharashtra Telecommunications Shankhnaad News Network, All rights Reserved | Site by final Version Software Solutions Pvt. Ltd.