नागपूर, दि. 30 डिसेंबर 2022:
“विश्वगौरव पंतप्रधान मा.श्री. नरेंद्रभाई मोदीजी यांच्या मातोश्रींच्या निधनाची वार्ता दुःखद आहे. केवळ पंतप्रधान नरेंद्र मोदी यांचेच नव्हे तर संपूर्ण देशाचीच ही हानी आहे. त्याग, समर्पण, निष्काम कर्मयोगी जीवनाचा शतकाचा प्रवास हिराबांच्या निधनाने आज संपला. मातृवियोगाचे दुःख मोठे असते. हे दु:ख सहन करण्याची शक्ती पंतप्रधान नरेंद्रभाई मोदीजी यांना मिळो. संपूर्ण देश मा. पंतप्रधान आणि मोदी परिवाराच्या दुःखात सहभागी आहे. स्वर्गीय हिराबांना ईश्वर सद्गती देवो. या महान मातेला माझी भावपूर्ण श्रद्धांजली.”, अशा शब्दात वन, संस्कृतिक कार्य व मत्स्य व्यवसाय मंत्री सुधीर मुनगंटीवार यांनी आपला शोक व्यक्त केला.
पंतप्रधान नरेंद्र मोदी यांच्या जडणघडणीत त्यांच्या मातोश्री हिराबांचा वाटा मोठा आहे. “काम करो बुद्धी से, जीवन जीयो शुद्धीसे” ही त्यांनी दिलेली शिकवण पंतप्रधान मोदी यांनी मोलाने जपली, अशा शब्दात मुनगंटीवार यांनी स्वर्गीय हिराबांच्या प्रति आदरभाव व्यक्त केला.
