सात बहिणींच्या डोंगरावर घटना : पर्यटकांमध्ये भीत
चंद्रपूर chndrpur सध्या शालेय परीक्षा आटोपल्या आहेत. सलग सुट्या त्यात वातावरणातील बदल असा तिहेरी योग जुळून आल्याने राज्यभरातील पर्यटनस्थळे हाऊस फूल्ल झाली आहेत. लांबवर जाणे शक्य नसलेली मंडळी दूधाची तहान ताकावर भागविल्या प्रमाणे जवळच्या पर्यटन स्थळांना भेटी देऊन हौस भागवून घेत आहेत. चंद्रपूर जिल्ह्यातील तळोधी बाळापूर वनपरिक्षण केंद्र (Talodhi Balapur Forest Experiment Center in Chandrapur District ) आणि तळोधी पोलिस ठाण्याअंतर्गत येणाऱ्या गोविंदपूर परिसरातील पेरजागड येथील सात बहिणींचा डोंगर (Seven sisters hill at Perjagad in Govindpur area) म्हणून प्रसिद्ध आहे. सुटीच्या दिवशी कायम येथे पर्यटकांची गर्दी असते. शनिवारी नागपूरचे पर्यटक येथे आले होते. त्यांची भटकंती सुरू असताना अचानक मधमाशांनी हल्ला (Tourists were attacked by bees) केला. त्यात दोघांचा मृत्यू झाला तर ५ जण गंभीर जखमी झाले. जखमींमध्ये ६ महिन्यांच्या चिमुकलीसह महिलांचा देखील समावेश आहे.
अशोक विभीषण मेंढे (६२) आणि गुलाबराव पोचे (५८) अशी मृतांची नावे आहेत. दोघेही नागपूर येथील रहिवासी आहेत. मधमाशांचा हल्ला ऐवढा आक्रमक स्वरूपाचा होता की मेंढे यांचा घटनास्थळीच मृत्यू झाला तर उपचारासाठी नेत असताना पोचे यांचा वाटेत मृत्यू झाला. नागपूरचे पर्यटक डोंगरावर पोहोचले. निसर्गरम्य वातावरणात संपूर्ण दिवस घालविण्याचा त्यांचा बेत होता. पण, जवळचे पोळे फुटले आणि मधमाशांनी या पर्यटकांवर हल्ला चढविला. सर्वांगावर चावा घेत असल्याने सर्वांचीच पळापळ सुरू झाली. जीवाच्या आकांताने सारेजण आरडाओरड करीत स्वतःच्या बचावाचा प्रयत्न करीत होते. दीर्घकाळ मधमाशांकडून डंख मारणे सुरूच होते. सायंकाळी वनविभागाला या घटनेबाबत माहिती मिळाली. लागलीच वनविभागाचे पथक दाखल झाले. अग्निशमन दलाचे दोन बंब देखील घटनास्थळी पोहोचले. तळोधी व नागभीड पोलिस आणि नेचर केअर संस्थेचे पदाधिकारी व सदस्य घटनास्थळी पोहोचले. गुलाबराव पोचे यांचा शोध लागत नव्हता. शोधाशोध केल्यानंतर ते अत्यवस्थ अवस्थेत आढळून आले. तातडीने त्यांना डोंगरावरून खाली रुग्णवाहिकेत नेण्यात आले. उपचारासाठी नेत असताना वाटेतच त्यांचा मृत्यू झाला. त्यापूर्वीच डोंगरावर मधमाशांच्या दंशामुळे अशोक मेंढे यांचा मृत्यू झाला होता. दोघांचेही मृतदेह नागभीड ग्रामीण रुग्णालयात शवविच्छेदनासाठी पाठवण्यात आले. रात्री 11 वाजेपर्यंत मोहीम सुरू होती. पुढील तपास तळोधी पोलिस व तळोधी वनविभाग करीत आहेत.
