श्रीनगर, 18 जून : जम्मू-काश्मीर आणि लद्दाखमध्ये 24 तासांत सौम्य तीव्रतेचे 5 भूकंप आले. त्यापैकी 4.5 तीव्रतेचा भूकंप सर्वात मोठा होता.
जम्मू-काश्मीरमध्ये शनिवारी दुपारी 2 वाजून 03 मिनिटांनी 3.0 तीव्रतेच्या भूकंपानंतर पहिला हादरा जाणवला. कटरा येथे रविवारी भूकंपाचे धक्के जाणवले. रिश्टर स्केलवर भूकंपाची तीव्रता 4.1 इतकी होती. आज पहाटे 3 वाजून 50 मिनिटांच्या सुमारास पुन्हा भूकंप झाला. कटरा येथे 11 किमी खोलीवर भूकंपाचा केंद्रबिंदू असल्याचे सांगण्यात येत आहे. यापूर्वी लडाखच्या लेहमध्ये भूकंपाचे धक्के जाणवले होते. ईशान्य लेहमधील या भूकंपाचीतीव्रता रिश्टर स्केलवर 4.1 इतकी होती. नॅशनल सेंटर फॉर सिस्मॉलॉजी (एनसीएस) नुसार, भूकंप दुपारी 2.16 वाजता झाला. मिळालेल्या माहितीनुसार, या भूकंपामुळे जीवित आणि वित्तहानी झाल्याची माहिती अद्याप समोर आलेली नाही. यापूर्वी शनिवारी संध्याकाळी जम्मू-काश्मीर आणि लद्दाखमध्ये भूकंपाचे धक्के जाणवले होते. हवामान खात्याच्या अधिकाऱ्याने सांगितले की, दुपारी 2.03 वाजता झालेल्या 3.0 तीव्रतेच्या भूकंपाचा केंद्रबिंदू जम्मू-श्रीनगर राष्ट्रीय महामार्गालगत असलेल्या डोंगराळ रामबन जिल्ह्यात होता.
