आंतरराष्ट्रीय परिचारिका दिन व सर्वोत्कृष्ट परिचारिका/ट्यूटर पुरस्कार सोहळा २०२६

नागपूर(Nagpur): असोसिएशन ऑफ चॅरिटेबल हॉस्पिटल्स (ACH), नागपूर यांच्या वतीने तसेच मातृ सेवा संघ (MSS), सीताबर्डी, नागपूर यांच्या सहकार्याने “आंतरराष्ट्रीय परिचारिका दिन व सर्वोत्कृष्ट परिचारिका/ट्यूटर पुरस्कार सोहळा २०२६” मंगळवार, दि. १२ मे २०२६ रोजी सकाळी ९.०० वाजता रंजन सभागृह, मातृ सेवा संघ, सीताबर्डी, नागपूर येथे आयोजित करण्यात आला आहे.
आंतरराष्ट्रीय परिचारिका दिनाचे औचित्य साधून परिचारिका व नर्सिंग ट्यूटर यांनी रुग्णसेवा, वैद्यकीय शिक्षण आणि सामुदायिक आरोग्य क्षेत्रात दिलेल्या समर्पित, करुणामय व निःस्वार्थ सेवांचा गौरव करण्यासाठी या कार्यक्रमाचे आयोजन करण्यात आले आहे.
या कार्यक्रमामध्ये विविध सेवाभावी व आरोग्य संस्थांमधील उत्कृष्ट कार्य करणाऱ्या परिचारिका व नर्सिंग ट्यूटर यांचा त्यांच्या परिचारिका क्षेत्रातील व समाजाप्रती उल्लेखनीय योगदानाबद्दल सन्मान करण्यात येणार आहे. तसेच आरोग्य सेवा बळकट करण्यात आणि मानवतावादी रुग्णसेवा वृद्धिंगत करण्यात परिचारिकांची महत्त्वपूर्ण भूमिका अधोरेखित करण्यात येणार आहे.
या कार्यक्रमाला वैद्यकीय, सामाजिक, शैक्षणिक व सार्वजनिक क्षेत्रातील मान्यवर उपस्थित राहणार आहेत. नागपूरच्या महापौर मा. श्रीमती नीता ठाकरे या प्रमुख अतिथी म्हणून उपस्थित राहतील. सुप्रसिद्ध शिक्षणतज्ज्ञ व वैद्यकीय क्षेत्रातील आंतरराष्ट्रीय ख्यातीचे व्यक्तिमत्त्व डॉ. वेदप्रकाश मिश्रा हे प्रमुख पाहुणे म्हणून उपस्थित राहतील. डॉ. सौ. रूपा वर्मा या कार्यक्रमाच्या विषयावर प्रमुख मार्गदर्शन करतील. कार्यक्रमाच्या अध्यक्षस्थानी मा. सौ. कांचनताई नितीन गडकरी राहणार आहेत.
नागपूर विभागातील सेवाभावी रुग्णालये, आरोग्य संस्था, आरोग्य प्रशासक, परिचारिका व्यावसायिक, प्राध्यापक, विद्यार्थी व विविध संस्थांचे प्रतिनिधी मोठ्या संख्येने सहभागी होणार असल्याची अपेक्षा आहे.
परिचारिका वर्गासाठी हा कार्यक्रम प्रेरणादायी ठरेल तसेच समाजामध्ये परिचारिकांच्या अथक सेवाभाव आणि समर्पणाबद्दल अधिक आदर व कृतज्ञता निर्माण होईल, असा आयोजकांचा विश्वास आहे.
असोसिएशन ऑफ चॅरिटेबल हॉस्पिटल्स (ACH), नागपूरचे महासचिव श्री. जगदीशजी गुप्ता, मुख्य कार्यकारी अधिकारी श्री. विलास शेंडे तसेच मातृ सेवा संघ, सीताबर्डीच्या सचिव डॉ. सौ. लता देशमुख यांनी प्रिंट मीडिया, दूरचित्रवाहिन्या, डिजिटल मीडिया प्रतिनिधी आणि छायाचित्रकारांना कार्यक्रमाचे वृत्तांकन करण्यासाठी सस्नेह निमंत्रित केले आहे.

आयोजक:
असोसिएशन ऑफ चॅरिटेबल हॉस्पिटल्स (ACH), नागपूर
सहकार्याने
मातृ सेवा संघ (MSS), सीताबर्डी, नागपूर
माध्यम समन्वय व अधिक माहितीसाठी