…तर उद्याच ही व्यक्ती घेणार उपमुख्यमंत्रीपदाची शपथ?

मुंबई : दिवंगत उपमुख्यमंत्री अजित पवार यांच्या निधनानंतर रिक्त झालेल्या उपमुख्यमंत्री पदाबाबत राजकीय हालचालींना वेग आला आहे. राष्ट्रवादी काँग्रेस पक्षाच्या वरिष्ठ नेत्यांनी अजित पवार यांच्या पत्नी सुनेत्रा पवार यांना महाराष्ट्राच्या उपमुख्यमंत्रीपदी नियुक्त करण्याचा प्रस्ताव मांडल्याची चर्चा राजकीय वर्तुळात रंगू लागली आहे.

या पार्श्वभूमीवर राष्ट्रवादी काँग्रेसचे खासदार प्रफुल्ल पटेल यांनी मुख्यमंत्री महोदयांची भेट घेतली असून, उपमुख्यमंत्री पदासह खातेवाटपाबाबत लवकर निर्णय घेण्याची मागणी करण्यात आल्याचे त्यांनी सांगितले.
“आमचे नेते अजित ‘दादा’ पवार यांच्या परवाच्या निधनाने पक्षासह संपूर्ण महाराष्ट्र शोकमग्न आहे. त्यांच्या कुटुंबाशी सल्लामसलत करून, महायुतीचा भाग म्हणून ही प्रक्रिया लवकर पूर्ण करायची आहे,” असे प्रफुल्ल पटेल यांनी स्पष्ट केले.