अमृता फडणवीस फसवणूक प्रकरणी महिला अटकेत

मुंबई : उपमुख्यमंत्री देवेंद्र फडणवीस यांच्या पत्नी अमृता फडणवीस यांनी मलबार हिल पोलीस ठाण्यात अनिक्षा आणि अनिल यांच्या विरोधात एफआयआर दाखल केला आहे. हे दोघेही अमृता फडणवीस यांना ब्लॅकमेल करीत होते. राज्याचे उपमुख्यमंत्री आणि गृहमंत्री देवेंद्र फडणवीस यांनी विधानसभेत ही खळबळजनक माहिती देताच मलबार हिल पोलिस अनिल जयसिंगानिया यांच्या उल्हासनगर येथील घरी पोहोचले आहेत. पोलिसांनी त्यांची अपार्टमेंटमध्ये सुमारे 6 तास चौकशी केली. या दरम्यान त्याच्या भावाची तब्येत बिघडल्याने त्याला रुग्णालयात दाखल करण्यात आले. 5 राज्यांचे पोलीस अनिल जयसिंगानियाच्या शोधात आहेत. अनिक्षाला ताब्यात घेतल्यानंतर तिच्या नातेवाईकांनी तिच्याकडून माहिती घेण्याचा प्रयत्न केला होता. त्यानंतर मलबार हिल पोलिसांनी अनिक्षाला ताब्यात घेतल्यानंतर ती मुंबईला रवाना झाली.