अमरावती – नागपूर (Amravati – Nagpur)महामार्गावर धावत्या बसवर गोळीबाराची घटना घडली आहे. एखाद्या चित्रपटातला सीन वाटावा अशा या घटनेने मोठी खळबळ उडाली. मध्यरात्री अचानक अज्ञातांकडून खासगी बस चालकावर गोळीबार केला गेला. यामध्ये चार जण जखमी झाल्याची माहिती समोर आली आहे. दरम्यान, या घटनेने प्रवाशांमध्ये भीतीचं वातावरण निर्माण झालं आहे.
अमरावती नागपूर राष्ट्रीय महामार्गावरून एक खासगी बस नागपूरला निघाली होती. प्रवाशांनी भरलेली ही बस अमरावती नागपूर महामार्गावर तिवसा जवळ येताच गोळीबाराची घटना घडली. अज्ञातांनी बसचा पाठलाग केला. त्यानंतर बसच्या आडवी गाडी घेत गोळीबार करण्यात आला.
