चौकशी झाल्यास अनेक मोठी नावे येणार समोर
नागपूर. बनावट नोंदणी क्रमांकाच्या आधारावर शहरातील रस्त्यांवरून शेकडो ट्रक धावत (Hundreds of trucks ply on city roads based on fake registration numbers) असल्याची खळबळजनक माहिती छत्तीसगढच्या (Chhattisgarh) रायपूर पोलिसांनी (Raipur Police) केलेल्या कारवाईवरून समोर आली आहे. मात्र, आरटीओ आणि पोलिसांनी त्याकडे दुर्लक्ष केल्याने हा प्रकार सर्रास सुरूच आहे. शहरातील 10 हून अधिक ट्रान्स्पोर्टर बनावट नोंदणीवरच त्यांचे वाहन चालवून लाखो रुपयांचा नफा कमवत असल्याचे बोलले जात आहे. नुकतेच रायपूर पोलिसांनी उत्तर नागपुरातील एका ट्रान्स्पोर्टरला अटक केली, मात्र वास्तवात तो केवळ एक ‘प्यादा’ आहे. या खेळामागचे असणारे खरे बडे मसे नामानिराळेच आहेत. प्याद्याने सर्व दोष स्वत:वर घेतल्याने मासे सध्या सुखरुप आहेत. मात्र, या प्रकरणाची सखोल चौकशी झाल्यास अनेक ट्रान्स्पोर्टर्सना दणका बसू शकतो.
आंतरराज्यीय असलेल्या या टोळीत केवळ नागपूरच नाही तर छत्तीसगढ, बिहार आणि नागालॅन्डचे व्यवसायी आणि दलालांचा समावेश आहे. इंजिन, चेसिस आणि नोंदणी क्रमांक बदलण्याचे सर्व काम उत्तर-पूर्वमध्ये होते.
कवडीमोल भावात ही टोळी लहान ट्रांस्पोर्टर्सचे ट्रक लीजवर घेते. काही महिन्यांपर्यंत ट्रक मालकांना सुरळीत भाडे दिले जाते. नंतर ट्रक चोरी गेल्याचा बनाव केला जातो. काही दिवस वाहन अज्ञात ठिकाणी लपवून ठेवला जातो. या दरम्यान डायच्या माध्यमातून ट्रकचे चेचिस आणि इंजिन क्रमांक बदलले जातात. दलाल बनावट कागदपत्र तयार करून नागालँडच्या आरटीओतून ट्रकची पासिंग करून घेतात. त्यानंतर हेच ट्रक अधिक किंमतीत देशातील विविध राज्यांमध्ये विकल्या जातात. काही दिवसांपूर्वी एका प्रकरणात रायपूर पोलिसांनी चरणजित सिंग ऊर्फ बिट्टू सरदार रा. अशोकनगर, पाचपावलीला याला अटक केली. मात्र, बिट्टूच्या डोक्यावर काके सरदारचा हात असल्याची माहिती मिळाली आहे. वास्तवात बिट्टू हा दलालीचे काम करायचा, वाहनांचा सौदा करण्याचे काम काके करतो. नागपूरच्या जवळपास 10 ट्रांस्पोर्टर्सकडे नागालँडची अनेक वाहने आहेत, जी वेगवेगळ्या मार्गांनी धावतात. यातील 90 टक्के वाहन बनावट कागदपत्रांद्वारे नागालँड आरटीओतून पासिंग करून घेण्यात आले आहेत. केवळ नागपुरातच असे 300 हून अधिक वाहन असल्याची माहिती मिळाली आहे. जर पोलिसांनी या वाहनांचा तपास केला तर अनेक ट्रांस्पोर्टरचे पित्तळ उघडे पडेल. बिट्टू आणि काके यांनी आसपासच्या राज्यांमध्येही वाहन विकले आहेत.
शहरात सक्रिय आहे टोळी
नागपूर शहरातच अशाप्रकारची टोळी चालविणारे अनेक लोक सक्रिय आहेत. काही दिवसांपूर्वी पोलिसांनी यंग फोर्स ऑर्गनायजेशनचा भंडाफोड केला, मात्र असे अनेक ग्रूप शहरात सक्रिय आहेत. सतीश अण्णा यानेही करीम लाला सोबत मिळून एक टोळी तयार केली. खासगी कॅब कंपन्यांमध्ये परमिट वाहन चालक सतत तोट्यात गेले. त्यांना कर्जाचे हफ्ते भरणेही कठिण झाले. या टोळीनेही बँकेच्या अधिकाऱ्यांशी संगणमत करून कवडीमोल भावात टॅक्सी वाहन खरेदी केले. नागपूर, यवतमाळ, बीडसह इतर आरटीओमध्ये कर न भरताच वाहनांची खासगी नोंदणी करून घेतली. ऑटोडीलर्सच्या माध्यमातून हे वाहन लोकांना विकण्यात आले. या कामात अमन, सलमान, सौदागर, मगाडे, मोहसीन आणि अहिरराव बंधूंचा समावेश आहे. या लोकांनी बनावटरित्या लाखो रुपये कमावले आहेत.
300 वाहन काळ्या यादीत, मात्र एकावरही कारवाई नाही
जवळपास वर्षभरापूर्वी आरटीओच्या वरिष्ठ अधिकाऱ्यांना या गैरप्रकाराची माहिती मिळाली. त्यानंतर नागपूरसह संपूर्ण विदर्भात 300 हून अधिक वाहने काळ्या यादीत टाकण्यात आली. परंतु, बोगस पद्धतीने वाहनांची नोंदणी करून घेणारे दलाल, वाहन विक्रेते आणि आरटीओच्या भ्रष्ट अधिकाऱ्यांवर कोणतीही कारवाई झाली नाही. यावरून या ‘व्हाईट कॉलर’ गुन्हेगारांबाबत प्रशासन किती गंभीर असल्याचे दिसते.