04MNAT10 जम्मू-काश्मीर : सैन्याचे हलिकॉप्टर कोसळले
किश्तवाडच्या मछना गावाजवळ झाला अपघात
श्रीनगर, 04 मे (हिं.स.) : जम्मू-काश्मीरमधील किश्तवाड जिल्ह्यातील मारवाह तालुक्यातील मछना गावाजवळ सैन्याचे हेलिकॉप्टर कोसळले आहे. अपघाताच्या वेळी हेलिकॉप्टरमध्ये तीन जण होते. लष्कराच्या अधिकाऱ्यांनी दिलेल्या माहितीनुसार, हेलिकॉप्टर अपघातात पायलट जखमी झाले असून त्यांना किरकोळ दुखापत झाली आहे.
यासंदर्भात सैन्याच्या अधिकाऱ्यांनी सांगितले की, जम्मू-काश्मीरच्या किश्तवारजवळ सैन्याचे एएलएच-ध्रुव हेलिकॉप्टरचा अपघात झाला.या घटनेत पायलट जखमी झाले असले तरी त्यांना कोणतीही गंभीर दुखापत झालेली नाही. तसेच पुढील तपास सुरू असल्याचे त्यांनी सांगितले. सैन्याचे हेलिकॉप्टर कसे कोसळले ? याबाबत कोणतीही अधिकृत माहिती अद्याप समोर आलेली नाही. जम्मू-काश्मीरच्या अनेक भागांत गेल्या अनेक दिवसांपासून ढगाळ वातावरण असून पाऊसही पडत आहे. त्यामुळे हा अपघात खराब हवामानामुळे झाला असावा, असा अंदाज व्यक्त केला जात आहे. मात्र, लष्कराकडून अद्याप कोणतीही अधिकृत माहिती देण्यात आलेली नाही.
