मुंबई(Mumbai)६ ऑगस्ट : काँग्रेसने विधानपरिषद निवडणुकीत (Legislative Council elections)क्रॉस वोटिंग (cross voting)करणाऱ्या पाच आमदारांविरोधात कठोर पाऊल उचलले आहे. पक्षाच्या हायकमांडने या आमदारांना आगामी विधानसभा निवडणुकीत तिकीट न देण्याचा निर्णय घेतला आहे. हे आमदार पक्षाच्या धोरणाविरोधात जाऊन विधानपरिषदेत मतदान करत असल्याचे उघड झाले होते, ज्यामुळे पक्षात असंतोष निर्माण झाला होता.काँग्रेसच्या राज्य कार्यकारिणीत झालेल्या बैठकीत हा निर्णय घेण्यात आला.
पाच मतदारसंघांमध्ये नवीन चेहऱ्यांना संधी देण्याचे आदेश काँग्रेस हायकमांडने राज्याध्यक्ष नाना पटोले यांना दिले आहेत. या निर्णयाचा प्रभाव अमरावती, वांद्रे पूर्व, इगतपुरी, नांदेड दक्षिण, आणि देगलूर या मतदारसंघांवर होणार आहे, जिथे अनुक्रमे सुलभा खोडके, झिशान सिद्दीकी, हिरामन खोसकर, जितेश अंतापूरकर, आणि मोहन हंबर्डे या आमदारांचा पत्ता कट केला जाणार आहे.
काँग्रेसच्या या खेळीने पक्षांतर्गत शिस्तबद्धतेचा संदेश दिला असून, क्रॉस वोटिंगचा मुद्दा गांभीर्याने हाताळला जात असल्याचे स्पष्ट केले आहे.
