नागपूर – शासनाने राज्यातील इतर मागास वर्ग, विमुक्त जाती-भटक्या जमाती व विशेष मागास प्रवर्गाच्या शैक्षणिक, आर्थिक, सामाजिक विकासासाठी महात्मा ज्योतिबा फुले संशोधन व प्रशिक्षण संस्था (महाज्योती) या संस्थेची स्थापना केली. संस्थेमार्फत या विद्यार्थ्यांच्या सर्वांगीण विकासासाठी विविध शैक्षणिक उपक्रम राबविण्यात येतात. सर्व योजनांची विस्तृत माहिती महाज्योतीच्या वेबसाईटवर देण्यात आली असून चालू शैक्षणिक सत्रात तब्बल 30 लाख विद्यार्थ्यांनी या वेबसाईटला भेट दिली आहे.
पोलीस भरती पूर्व प्रशिक्षण योजना, जेईई, नीट, (MHTCET)एमएचटी-सीईटी परीक्षा प्रशिक्षण योजना.,(MPSC) एम.पी.एस.सी. परीक्षा प्रशिक्षण योजना, यु.पी.एस.सी. परीक्षा प्रशिक्षण योजना, यु.पी.एस.सी. नागरी सेवा व्यक्तिमत्व चाचणी परीक्षेसाठी आर्थिक सहाय्य योजना, कमर्शिअल पायलट प्रशिक्षण योजना, (PHD)पीएच.डी. करणाऱ्या उमेदवारांना अधिछात्रवृत्ती योजना, एम.फिल. करणाऱ्या उमेदवारांना अधिछात्रवृत्ती योजना, कौशल्य विकास योजना या योजनांचा समावेश आहे.
महाज्योतीच्या www.mahajyoti.org.in या वेबसाईटवर योजनेचा लाभ घेतलेल्या विद्यार्थ्यांच्या यशोगाथा प्रकाशित करण्यात आलेल्या आहेत. वैयक्तिक विकासासाठी, शैक्षणिक प्रगतीसाठी, महाज्योतीच्या विविध योजनांचा लाभ घेण्यासाठी अधिकाधिक विद्यार्थ्यांनी वेबसाईटला भेट देण्याचे आवाहन करण्यात आले आहे.
श्रीखंड आणि चक्का सॅन्डविच |How To Make Shrikhand | Chakka Sandwich Recipe |EP- 107 |
