दुसऱ्याने खंडणी उकळली : एकाला अटक
अमरावती. महिला अत्याचाराची प्रकरणे सातत्याने पुढे येत आहेत. अमरावतीतही (Amravati) संतापजनक प्रकार समोर आला आहे. या प्रकरणात दोघांनी मिळून अल्पवयीन मुलीला चांगलेच छळले. याप्रकाराने मुलीवर गंभीर मानसिक आघात झाल आहे. एकाने या अल्पवयीन मुलीला जंगलात नेऊन तिचे लैंगिक शोषण (Abuse of a girl) केले. त्याने तिला जबरदस्तीने चक्क दारू व सिगारेट देखील पाजली. त्याच्याच एका मित्राला हा प्रकार माहिती झाल्यावर त्याने धमकावून खंडणी उकळली (ransom was threatened). हा संपूर्ण घटनाक्रम २६ जानेवारीपूर्वीचा असला, तरी आत्ता पोलिसत तक्रार करण्यात आल्यानंतर हे प्रकरण पुढे आले आहे. पीडित मुलगी प्रतिष्ठित घरातील असून, एका कनिष्ठ महाविद्यालयात शिकते आहे. पोलिसांनी घटनेचे गांभीर्य लक्षात घेत एका आरोपीला अटक केली आहे, तर दुसरा अल्पवयीन असल्याने नियमानुसार कारवाई केली जात आहे.
शंतनू तायडे (२०) रा. रवीनगर, अमरावती याला पोलिसांनी अटक केली आहे. राजापेठ पोलिसांनी दिलेल्या माहितीनुसार, सध्या पीडिता ही १७ वर्षांची असून, सन २०२१ मध्ये तिची येथील एका अल्पवयीन मुलाशी ओळख झाली. तो राजापेठ पोलिस ठाण्याच्या हद्दीतील रहिवासी आहे. त्या दोघांमध्ये ओळख झाल्यानंतर शैक्षणिक कामाच्या निमित्ताने त्याचे पीडितेच्या घरी येणे जाणे सुरू झाले. त्यादरम्यान तिच्या घरी कुणी नसताना त्याने मुलीला अश्लील व्हिडिओ दाखविले. त्याचवेळी तिचा अनेकवेळा विनयभंग देखील केला. त्यानंतर काही दिवसाने त्या अल्पवयीनाने तिला तिच्या कॉलेजसमोरून वाहनावर नेले. बडनेरा ठाण्याच्या हद्दीतील दोन ठिकाणी नेऊन तिच्यावर शारीरिक बळजबरीचा प्रयत्न करण्यात आला. पुढे तिने त्याच्याशी बोलणे बंद केले. त्यामुळे त्याने तिला त्रास देणे सुरू केले.
२६ जानेवारीपूर्वी आरोपी शंतनू याने त्या अल्पवयीन कॉलेजकन्येला बडनेरा हद्दीतील एका केंद्राजवळील जंगल परिसरात नेले. तेथे तिच्यावर शारीरिक बळजबरी केली. तिला धमकावून दारू व सिगारेट देखील पाजली. त्या घटनेचा मुलीवर प्रचंड मानसिक आघात झाला. घरच्यांना त्या घटनेबाबत कसे सांगावे, हे देखील तिला सुचत नव्हते. अखेर तिने आईला सर्व प्रकार सांगितला. त्यानंतर तिने ७ फेब्रुवारी रोजी रात्री पालकांसमवेत राजापेठ पोलिस ठाणे गाठले. सहायक पोलिस निरीक्षक प्रशाली काळे यांनी तिचे बयाण नोंदवून घेतले.
दुसऱ्याने उकळले पैसे
एका अल्पवयीनाने पीडितेशी बळजबरी करण्याचा प्रयत्न केला, तो तिला त्रास देत असल्याची माहिती आरोपी शंतनू तायडे याला मिळाली. अल्पवयीन मुलगा व शंतनू हे परस्परांचे मित्र होते. बडनेरा पोलिस ठाण्याच्या हद्दीत तुझ्याशी काय झाले, ते जगजाहीर करतो, अशी धमकी शंतनू याने अल्पवयीन पीडितेला दिली. तिला धमकावून तिच्याकडून काही रक्कम देखील उकळली. तिला प्रचंड त्रास दिला
