चालत्या कारने घेतला पेट

(SOLAPUR ); कार जळून खाक

मोहोळहुन – सोलापूरकडे जाणाऱ्या महामार्गावर चालत्या कारने अचानक पेट घेतल्यामुळे कार जळून खाक झाली. मात्र चालकाच्या प्रसंगावधानामुळे कोणतीही जिवीतहानी झाली नाही .श्रीकांत कांबळे रा. माढा . जि. सोलापूर हे माढ्याहुन मोहोळमार्गे सोलापूरला स्वताच्या पेट्रोल कारने IKON ( MH 12 CK 8244) जात असताना अचानक कोळेगांव पाटीजवळ हॉटेल सुगरणसमोर त्यांना बॉनेटमधुन धुर येत असे दिसले .तात्काळ त्यांनी रस्त्याच्या कडेला कार थांबविली व कारच्या खाली उतरले . तो पर्यत बॉनेटमधुन अधिक धुर येत त्यातुन आगीचे लोट दिसु लागले . कांबळे यांनी आसपास थांबलेल्या एक दोन नागरिकांच्या मदतीने जवळच्या एका शेतकऱ्याच्या वस्तीवरून बादलीने पाणी आणुन आग विझविण्याच्या प्रयत्न केला. पण तोपर्यत आगीने उग्र रूप धारण करून कार भस्मसात झाली.