बल्लारपूर, २७ नोव्हेंबर २०२५: अन्न तंत्रज्ञान विभाग अंतर्गत विकसित करण्यात आलेले हर्बल अपराजिता कँडी आणि जेली हे नवे उत्पादन आज बल्लारपूर इन्स्टिट्यूट ऑफ टेक्नॉलॉजी च्या इनक्युबेशन सेंटरद्वारे हे उत्पादन DFT इनक्युबेशन सेंटर, बल्लारपूर अंतर्गत विद्यार्थी यश खनके आणि नयन घाटोळे यांनी यशस्वीपणे विकसित करून लोकार्पण केले.
या लोकार्पण कार्यक्रमाचे आयोजन अन्न तंत्रज्ञान विभागामार्फत करण्यात आले होते. डॉ. राजनीकांत, प्राचार्य, BIT यांनी कार्यक्रमाचे उद्घाटन केले, तर डॉ. सत्यनारायण, अधिष्ठाता यांनी प्रमुख अतिथी म्हणून कार्यक्रमाची शोभा वाढवली. विशेष अतिथी म्हणून डॉ. झेड. जे. खान आणि प्रा. एस. एस. गोजे, प्राचार्य, पॉलिटेक्निक यांनीही कार्यक्रमास उपस्थिती दर्शवली. डॉ. प्रशांत वाटकर, विभागप्रमुख, अन्न तंत्रज्ञान विभाग, तसेच विभागातील प्राध्यापकवर्गांच्या उपस्थितीने कार्यक्रम अधिक भव्य झाला.
इनक्युबेशन सेंटरमधून मूल्यवर्धित हर्बल उत्पादनांच्या निर्मितीसाठी केलेल्या नवोन्मेषी प्रयत्नांचे प्राचार्यांनी कौतुक केले. अधिष्ठात्यांनी विद्यार्थ्यांना नैसर्गिक व कार्यक्षम खाद्य उत्पादनांच्या नवसंशोधनात पुढे जाण्यास प्रोत्साहन दिले. विशेष अतिथींच्या उपस्थितीमुळे टीमला अधिक प्रेरणा मिळाली.
नुकतेच सादर केलेले हर्बल अपराजिता कँडी आणि जेली हे विभागाच्या नाविन्यपूर्ण संशोधन, उद्योजकता विकास आणि आरोग्यपूरक फंक्शनल फूड उत्पादनांच्या निर्मितीवरील कटिबद्धतेचे प्रतीक आहे.
कार्यक्रमात अन्न तंत्रज्ञान विभाग, BIT बल्लारपूर, आणि विशेषतः डॉ. प्रशांत वाटकर, विभागप्रमुख यांचे सातत्यपूर्ण मार्गदर्शन व प्रोत्साहनाबद्दल विशेष आभार मानण्यात आले. संपूर्ण उत्पादन विकास प्रक्रियेत मार्गदर्शन केल्याबद्दल प्रा. लिलेश पुस्तोडे यांचे मनःपूर्वक आभार व्यक्त करण्यात आले. याशिवाय प्रा. के. एम. देव, प्रा. सोनी ठाकूर, प्रा. दिव्या कोर्डे, प्रा. अजय दुर्गे आणि प्रा. सोनम राजभर यांच्या प्रोत्साहन व सहकार्याबद्दलही कृतज्ञता व्यक्त करण्यात आली.
हे उत्पादन DFT इनक्युबेशन सेंटर, बल्लारपूर अंतर्गत विद्यार्थी यश खनके आणि नयन घाटोळे यांनी यशस्वीपणे विकसित करून लाँच केले असून, त्यांच्या समर्पित प्रयत्नांमुळे हे नवोन्मेषी हर्बल उत्पादन साकार झाले.
