भंडारा BHNDARA – मराठा आरक्षण संदर्भात राज्य सरकारच्या निर्णयानंतर ज्येष्ठ मंत्री छगन भुजबळ CHNGAN BHUJBAL यांनी व्यक्त केलेली भूमिका राष्ट्रवादी काँग्रेसची नव्हे असे ज्येष्ठ नेते खा प्रफुल्ल पटेल यांनी स्पष्ट केले आहे. ओबीसींच्या बाबतीत ते आपली भूमिका समता परिषदेच्या माध्यमातून मांडत असतात. गेल्या अनेक वर्षापासून ते समता परिषदेचे काम करत आहेत. ओबीसीच्या आणि मराठ्याच्या आरक्षणासंबंधी त्यांची भूमिका ही समता परिषदेच्या माध्यमातून असते. राष्ट्रवादी पक्षाची भूमिका नसते. छगन भुजबळ यांनी कधीही ज्या मराठ्यांकडे कुणबी प्रमाणपत्र आहे, अशांचा कधी विरोध केला नाही. त्याबाबत त्यांची भूमिका ही पॉझिटिव्ह राहिली आहे. कारण कुणबी ही ओबीसी समाजाची जात असल्यामुळे त्याबाबत त्यांनी कधी विरोध केला नाही. मात्र ओबीसीमध्ये ही संख्या वाढत असल्याने ओबीसीच्या बाबतीत काही अधिक काही करता येईल का? याबाबत सरकार प्रयत्न करणार आहे.
मराठा सगेसोयरे बाबतीत बोलताना,आता कोर्टात काय टिकते की नाही? हे मी भविष्यवाणी करू शकत नाही. परंतु यापूर्वीही कोर्टामध्ये मराठा आरक्षणाच्या संबंधाने क्युरेटिव्ह याचिका दाखल करण्यात आलेली आहे आणि त्याबाबतीत आता सुप्रीम कोर्ट काय निर्णय देते? हे मी आताच भविष्यवाणी करू शकत नाही. सुप्रीम कोर्ट याबाबतीत योग्य ते निर्णय देतील असे पटेल यांनी सांगितले.
