अकोल्यात शास्त्री स्टेडियमजवळ बाजाराला लागली भीषण आग

अकोला- अकोल्यातील शास्त्री स्टेडियमजवळील भंगार बाजाराला आज सकाळच्या सुमारास भीषण आग लागली. यामध्ये अंदाजे 7 ते 8 भंगार दुकाने आगीत जळून खाक झाल्याची प्राथमिक माहिती आहे. घटनास्थळी अग्निशमन दल दाखल झाले असून आग विझवण्यासाठी शर्तीचे प्रयत्न सुरू आहेत. आतापर्यंत अग्निशमन दलाचे 4 बंब लागले असून, या आगीने भंगार व्यावसायिकांचे लाखो रुपयांचे नुकसान आहे. सुदैवाने यात कोणतीही जीवितहानी झाली नाही. अद्यापही आग आटोक्यात आली नसून युद्ध पातळीवर अग्निशमन दलाचे प्रयत्न सुरू आहेत.