निखिल वागळे यांच्यावरील हल्ल्याचा निषेध

(Amravti)अमरावती– जेष्ठ पत्रकार निखिल वागळे हे काल पुण्यात ‘निर्भय बनो’ या कार्यक्रमाला जात असताना निखिल वागळे यांच्या वाहनांच्या काचा फोडण्यात आल्या व त्यांना कार्यक्रमास जाण्यास रोखण्याचा प्रयत्न झाला. एका प्रकारे पत्रकार निखिल वागळे यांच्यावरील हा जीवघेणा हल्ला असल्याचा आरोप अमरावतीमधील पत्रकारांनी केला. दरम्यान अमरावती येथील महात्मा गांधी यांच्या पुतळ्यासमोर महाराष्ट्र राज्य मराठी पत्रकार संघाच्या वतीने (Nikhil Wagle)निखिल वागळे यांच्या वरील हल्लाचा निषेध नोंदवला, यावेळी राज्य सरकारने तातडीने या घटनेची गंभीरपणे दखल घेऊन हल्लेखोरांवर कडक कारवाई करावी अशी मागणी केली आहे.