अमिर्झा जंगलात झालेल्या वाघ शिकार प्रकरणी 6 ग्रामस्थ अटकेत

नागपूर NAGPUR  : गडचिरोली  GADHCHIROLI जिल्ह्यातील अमिर्झा जंगलात झालेल्या वाघ शिकार प्रकरणी 6 ग्रामस्थांना अटक करण्यात आली आहे. शेतपीके वाचविताना रानडुकरांचा बंदोबस्त करण्यासाठी शेतकऱ्यांनी कुंपणात वीजप्रवाह जोडला होता. या विजेच्या धक्क्याने वाघाचा मृत्यू झाला होता. याची माहिती वनविभागाला देण्याऐवजी ग्रामस्थांनी विविध शस्त्रांनी पंजे-जबडा आणि मिशा कापून या वाघाचे सर्व अवयव लपविले. मात्र शिकारीची माहिती मिळताच वनविभागाने जाळे पसरविले यात चौकशीदरम्यान 6 ग्रामस्थांना ताब्यात घेत त्यांच्याकडून नखे-दात आणि मिशांसह शस्त्रे जप्त केली असल्याची माहिती संकेत वाठोरे, सहायक वनसंरक्षक, गडचिरोली यांनी दिली.