एकादशी निमित्त पंढरीत भाविकांची गर्दी

पंढरपूर (Pandharpur)- आज आमलकी एकादशी निमित्त हजारो भाविक पंढरीत दाखल झाले असून, श्री विठ्ठल रुक्मिणी मंदिराचे जतन आणि संवर्धनाचे काम चालू असल्याने पहाटे 5 ते 11 वाजेपर्यंतच भाविकांना फक्त मुखदर्शन घेता येणार आहे. यानंतर आलेल्या भाविकांना नामदेव पायरीचे दर्शन व श्री विठ्ठल रुक्मिणी मंदिर समितीने लावलेल्या स्क्रीनवर विठुरायांचे दर्शन घेता येणार आहे.

दर्शनासाठी जवळपास 5 ते 6 तास लागत आहेत. चंद्रभागा नदी, महाद्वार, प्रदक्षिणामार्ग पश्चिमदार सह विठुरायाची पंढरी नगरी गजबजून गेली आहे. आज सकाळपासूनच भाविकांनी दर्शनासाठी मंदिर परिसरात गर्दी केली आहे.