वर्ध्यात ‘uNexGen’ एआय-आधारित वैद्यकीय प्रशिक्षण कार्यक्रम यशस्वी

विद्यार्थ्यांना आधुनिक निदान तंत्रज्ञानाचा प्रत्यक्ष अनुभव

वर्धा (Wardha) : Adani Healthcare ने Medicabazaar आणि United Imaging Healthcare यांच्या सहकार्याने १६ ते १७ एप्रिल दरम्यान ‘uNexGen’ हा एआय-आधारित दोन दिवसीय शैक्षणिक कार्यक्रम वर्धा येथे यशस्वीरीत्या पूर्ण केला. या उपक्रमाचा उद्देश वैद्यकीय विद्यार्थी, निवासी डॉक्टर आणि तरुण डॉक्टरांना अत्याधुनिक निदान तंत्रज्ञानाचा प्रत्यक्ष अनुभव देणे हा होता.

कार्यक्रमात कृत्रिम बुद्धिमत्ता (AI) आधारित इमेजिंग सिस्टीम्सचा क्लिनिकल वापर, केस-आधारित चर्चा, लाईव्ह डेमो तसेच मॅग्नेटिक रेझोनन्स (MR), कॉम्प्युटेड टोमोग्राफी (CT) आणि मॉलिक्युलर इमेजिंग यांसारख्या तंत्रज्ञानाचे सखोल प्रशिक्षण देण्यात आले. निदान अधिक अचूक करणे आणि रुग्णांच्या उपचार परिणामांमध्ये सुधारणा घडवणे हा या उपक्रमाचा मुख्य हेतू होता. मेडिकाबाजारचे ग्रुप सीईओ दिनेश लोधा यांनी सांगितले की, uNexGen हा उपक्रम आरोग्य क्षेत्रातील पुढील पिढीतील व्यावसायिकांना सक्षम करण्यासाठी महत्त्वाचा आहे. तर युनायटेड इमेजिंग हेल्थकेअरचे डॉ. जुसॉन्ग झिया यांनी एआयमुळे निदान प्रक्रियेत मोठे परिवर्तन होत असल्याचे नमूद केले.

या कार्यक्रमात वर्कफ्लो ऑप्टिमायझेशन, रेडिएशन डोस कमी करणे आणि रुग्ण-केंद्रित इमेजिंगवर विशेष भर देण्यात आला. दुसऱ्या दिवशी क्लिनिकल प्रॅक्टिसमध्ये एआयचा वापर, इमेज रीकन्स्ट्रक्शन, रोग ओळख आणि स्ट्रक्चर्ड रिपोर्टिंग यावर सत्रे पार पडली. ‘uNexGen’ हा Adani Foundation च्या दीर्घकालीन आरोग्य व शिक्षण दृष्टिकोनाचा भाग असून, २६ जून २०२५ रोजी Datta Meghe Institute of Higher Education and Research (डीएमआयएचईआर) सोबतच्या भागीदारीतून या उपक्रमाला चालना मिळाली आहे. या माध्यमातून वैद्यकीय शिक्षण, संशोधन आणि रुग्णसेवा यांचा एकत्रित विकास साधण्याचा प्रयत्न करण्यात येत आहे.

#BreakingNews #HealthTech #AIinHealthcare #MedicalEducation #Wardha #MaharashtraNews #Doctors #MedicalStudents #Innovation #Healthcare #AdaniHealthcare #MedTech #IndiaNews #ViralNews

———————————–