ओबीसी जनगणनेला लवकरच गती मिळेल : अशोक जिवतोडे

चंद्रपूर (Chandrapur):- देशभरात ओबीसी जनगणनेचा मुद्दा चर्चेत असताना राष्ट्रीय ओबीसी महासंघाचे समन्वयक तथा ओबीसी, विदर्भवादी तसेच भाजपा नेते अशोक जिवतोडे यांनी ओबीसी जनगणनेला लवकरच गती मिळेल, असा विश्वास व्यक्त केला आहे.

केंद्र सरकारच्या ध्येयधोरणानुसार सध्या देशभरात houseगणना प्रक्रिया सुरू असून येत्या काही दिवसांत ओबीसी जनगणना देखील सुरू होईल, असे त्यांनी सांगितले. ओबीसी समाजाची अचूक लोकसंख्या, शैक्षणिक व आर्थिक स्थिती समोर येण्यासाठी जातनिहाय जनगणना अत्यंत आवश्यक असल्याचेही त्यांनी नमूद केले.

सामाजिक न्याय, आरक्षणाची प्रभावी अंमलबजावणी आणि शासनाच्या योजनांचा योग्य लाभ मिळण्यासाठी ओबीसी जनगणना महत्त्वाची ठरणार असल्याचे मत त्यांनी व्यक्त केले. तसेच या प्रक्रियेमुळे ओबीसी समाजाच्या विकासाला नवी दिशा मिळेल, असेही ते म्हणाले.

यावेळी त्यांनी केंद्रातील पंतप्रधान Narendra Modi तसेच महाराष्ट्राचे मुख्यमंत्री Devendra Fadnavis यांचे आभार व्यक्त केले. ओबीसी समाजाच्या प्रश्नांबाबत शासन सकारात्मक भूमिका घेत असल्याचे त्यांनी सांगितले.

दरम्यान, राष्ट्रीय ओबीसी महासंघाचे ११ वे राष्ट्रीय अधिवेशन ७ ऑगस्ट २०२६ रोजी बंगळुरू येथे आयोजित करण्यात आले असून देशभरातील ओबीसी समाजातील पदाधिकारी, कार्यकर्ते आणि विविध राज्यांतील प्रतिनिधी या अधिवेशनात सहभागी होणार आहेत. अधिवेशनात ओबीसी जनगणना, आरक्षण, सामाजिक न्याय आणि संघटनात्मक बांधणी या विषयांवर सविस्तर चर्चा होणार असल्याची माहिती देण्यात आली आहे.